fbpx

Заев e oптимист дека ќе се најде решение за името достоинствено за двете страни

-

Премиерот Зоран Заев денеска изјави дека е оптимист и верува оти ќе биде изнајдено решение за спорот за името кое ќе биде достоинствено и за Македонија и за Грција.

Тој потврди дека веќе е договорена средба со неговиот грчки колега Аликсис Ципрас на 24 јануари во Давос.

– Јас сум оптимист, верувам дека помеѓу две земји, кои се пријатели и имаат намера да бидат уште поблиски, ќе се изнајде решение каде ќе се сочува достинството на двете страни, а ќе биде придобивка за граѓаните на двете земји – изјави Заев во Струга каде престојуваше по повод верскиот празник Богојавление – Водици.

Тој истакна дека не би требало јавно да се зборува за рамката што е испорачана од посредникот во преговорите, Метју Нимиц, за да не се уништат шансите во преговорите.

– Се води транспарентен процес, сакаме национален консензус, да го изградиме решението и на крајот граѓаните на референдум да го потврдат, убеден сум дека ако бидеме внимателни, па и да водиме сметка и за грчката страна, ќе најдеме решение за ова прашање што не измачува 25 години – рече Заев, одговарајќи на новинарски прашања.

Премиерот апелираше до граѓаните и до медиумите да имаат трпение околу ова прашање.

– Сè што ќе правиме ќе биде проверено на референдум. И ние, и ДУИ, и ВМРО-ДПМНЕ, и другите политички партии, имаме или исти или приближни ставови по тоа прашањe. Ќе водиме грижа за нашиот идентитет, за достоинството на нашиот народ, но мораме да водиме грижа и за сегашните и за идните генерации – рече Заев.

Околу одлуката на претседателот на државата Ѓорге Иванов да не го потпише Законот за јазиците, Заев рече дека се што е донесено во Законот е во согласност со aмандманот 5 од Уставот и дека доколку нешто не е во ред постои Уставниот суд.

– Вредно е да се заложиме за едно опшество за сите, Македонија е мајка на сите граѓани, треба да подадеме рака, да имаме доверба во институциите. Доколку нешто не е согласно Уставот, постои Уставен суд, ќе се произнесе со мислење и Венецијанската комисија – изјави Заев.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Германија добива онлајн регистар на донори на органи

Германскиот онлајн регистар на донори на органи вчера беше отворен со две години задоцнување. Министерот за здравство Карл Лаутербах оцени дека тоа придонесува за транспарентност и поголема подготвеност на...