fbpx

Заев дојде во Обвинителството да даде исказ за насилствата во Собранието

-

Лидерот на СДСМ, Зоран Заев, утрово дојде во Јавното обвинителство да даде исказ како оштетен во насилствата во Собранието на Република Македонија од 27 април, јавува „Телевизија 24“.

Во Основното јавно обвинителство Скопје повикани се да дадат исказ и други пратеници што беа нападнати. Како што јавува „Телма“, во обвинителството во текот на денот искази треба да дадат уште шестмина пратеници на СДСМ.

Заев, кој беше нападнат и повреден, еден ден по насилствата, на прес-конференција изјави дека нападот во Собранието бил обид за убиство по план и со умисла и додаде дека тој лично ги познава сите што директно барале одземање на животите и, како што кажа, дел од нив биле полицајци, а дел бандити. Насилството врз новинарите и врз пратениците, како што рече тогаш лидерот на СДСМ, било поттикнато од Никола Груевски, Ѓорге Иванов, Трајко Вељаноски, Митко Чавков и од група нивни соработници кои ги погодува трансферот на власта.

Најтешко повреден во налетот на толпата демонстранти, која упадна во Собранието, по изборот на Талат Џафери за претседател на законодавниот дом, беше пратеникот на Алијанса за Албанците, Зијадин Села, кој со тешки повреди беше извлечен од Собранието и потоа префрлен во болница. Двајцата осомничени за нападот на Села обвинителството ги гони за обид за убиство.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Ангеловска-Бежоска: Земјите од Западен Балкан годишно губат 18 отсто од БДП поради родовиот јаз на пазарот на труд

Последователните економски шокови изминатите години дополнително го отежнуваат намалувањето на родовата нееднаквост, поради нивното понеповолно влијание врз женската популација. Кај повеќето земји од регионот на Западен Балкан стапката на...