fbpx

Вучиќ: Убаво ќе си поприкажеме, а по самитот повторно кавги и конфликти

-

Добро е што претседателите на влади на самитот ќе усвојат уште една декларација, но се плашам дека по самитот повторно ќе почнат расправиите и судирите, изјави српскиот премиер, Александар Вучиќ, на Самитот за Западен Балкан во Сараево, на кој учествува и еврокомесарот за проширување и за добрососедска политика, Јоханес Хан.

Во обраќањето на самитот на премиери од Западен Балкан, Вучиќ ги замоли домаќините да не ги нарекуваат сите присутни „претставници на држави“, затоа што и тој не го прави тоа.

– Станува збор за сентимент на Србија и тука не зборувам поради кампањата – рече Вучиќ на самитот, откако Иса Мустафа беше посочен како претставник на државата Косово, иако никаде не биле истакнати симболи, ниту знамето на Косово.

Вучиќ рече дека нивните односи на собирите се добри, затоа што, како што забележа, се зборува за економија, но додаде дека кога собирите ќе завршат, тргнува приказната што се однесува само на политика, а во која тие, како што истакна, „воопшто не комуницираат“.

Тој додаде дека сите во регионот веруваат во ЕУ-перспективата, дека се надеваат, но истакна дека во Србија веќе никој не споменува датуми и додаде дека тоа се прави и во многу други земји од Западен Балкан.

– Би сакал европската перспектива да биде нешто појасна – порача српскиот премиер, додавајќи дека Србија сака да го види регионот како единствен простор, иако, како што забележа, некои други не го сакаат тоа.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Оживува пропагандата за непостоечка продажба на органи од украински војници

Проверувачи на факти од Украина веќе пишуваат дека ова видео претставува дел од руската пропаганда. Центарот за борба против дезинформации објавува на Фејсбук дека станува збор за невистина. Во...