Косовската влада му одобри на српскиот премиер и кандидат за претседател на Србија, Александар Вучиќ, утре да го посети Косово и тоа на три часа, соопшти косовскиот министер за надворешни работи, Енвер Хоџај.
Шефот на косовската дипломатија рече дека ова е последен пат да им се дозволи на српски политичари да го посетат Косово како дел од изборна кампања.
Тој истакна дека одлуката е донесена како израз на добра волја кон странските партнери, како што се Германија и Европската Унија.
Најавено е дека Вучиќ, кандидат за претседател на Србија, утре ќе го посети Лепосавиќ на северот на Косово.
