Во Македонија времето денеска ќе биде претежно сончево и топло, со слаб северен ветер, а температурата ќе се искачи најмногу до 34 Целзиусови степени, вели прогнозата на Управата за хидрометеоролошки работи (УХМР). УВ-индексот ќе биде 9. Ќе има и слаба облачност во источните и во западните делови од земјава.
Температурата ќе се движи од 25 Целзиусови степени на западот на земјава, 27 степени во Охридско-струшкиот Регион и во Малешевијата, 29 степени на крајниот североисток, 30 степени во Пелагонија, до 33 степени во Скопје и во Повардарието. Највисока температура се очекува на крајниот југоисток, каде максимумот ќе биде 34 Целзиусови степени.
Времето од денеска ќе станува сè потопло, но утре се можни локални краткотрајни дождови, а исто ќе биде и в петок. Во текот на викендот исто така ќе има услови за дожд, со можности за грмежи, особено во западните делови на Македонија, вели прогнозата на УХМР.