Вработен во МВР вчера, среде фудбалски натпревар, на стадионот во скопската населба Нова Колонија, излегол на терен и напднал играч, информираат од МВР.
Инцидентот се случил околу 11 часот, за време на одигрувањето на мечот меѓу фудбалските екипи на ФК „Колонија“ и ФК „Инџиково“, кога Н.С. (23) влегол на теренот и му удрил тупаница на еден од играчите, а потоа побегнал.
Од полицијата засега не соопштуваат повеќе детали за инцидентот.
– Известен е Секторот за внатрешна контрола и професионални стандарди (СВКПС) и по целосно расчистување и документирање на настанот, против сторителот ќе следи соодветна пријава – информираат од МВР.