fbpx

Возовите и денеска не сообраќаат, состојбата со МЖ останува статус кво

-

Патничките и товарните возила седми ден не сообраќаат поради протестот на вработените во претпријатието „Македонски железници“, кои бараат исплата на јануарската плата.

Портпаролот на Владата, Александар Ѓорѓиев, вчера апелираше МЖ да продолжат со работа истакнувајќи оти така ќе може да ги исполнат законските можности за да бидат префрлени дополнителните средства и за да се реализираат договорените обврски што ги имаат со своите коминтенти.

– Имаме информации дека мал број вработени ја попречуваат работата на 3.000 лица кои се вработени во железницата и тоа треба да прекине. Треба луѓето да работат за да можат да ја добијат дополнителната поддршка и за да можат да си ги извршуваат нивните обврски кон коминтентите, да остваруваат дополнителни приходи и да не предизвикаат штета во нивното работење поради евентуално неисполнување на договорните обврски – изјави Ѓорѓиев.

Владата на седница донесе одлука да бидат префрлени дополнителни 70 милиони денари преку Министерството за транспорт и врски за потребите на МЖ.

Од иницијативниот одбор за спроведување на штрајкот информираат дека тој ќе продолжи до исполнување на барањето за исплата на платата за јануари.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...