fbpx

Дишеме отров четири пати повеќе и осум пати подолго од дозволеното (инфографик)

-

Просечното годишно загадување на воздухот во Македонија со ПМ10 честички во минатите десет години е од два до четири и пол пати повисоко од граничните вредности пропишани со Директивата на ЕУ за квалитет на воздухот, кои од 1 јануари 2015 година се задолжителни за сите земји-членки.

ЕУ веќе почна постапка против неколку членки кои ги надминуваат граничните вредности.

Бугарија, соочена со тоа, тукушто воведе санкции за градоначалниците кои нема да се справат со загадениот воздух, но и за домаќинствата кои ќе го загадуваат воздухот со несоодветен материјал за греење. Според измените во бугарскиот Закон за чистотата на атмосферскиот воздух, градоначалниците имаат една година за да го намалат загадувањето во својата општина, а во спротивно се соочуваат со казна од 2.500 до 5.000 евра.

Македонија не подлежи на санкции од Европската Унија.

Покрај тоа што е позагаден, загадувањето на воздухот во Македонија трае многу подолго во текот на годината од максималниот дозволен број денови, покажуваат податоците на Министерството за животна средина.

Од 2005 година, кога е поставена мрежата за мониторинг на квалитетот на амбиенталниот воздух, инаку донација, граничната вредност на загадување била надминувана и до 280 дена – осум пати подолго од дозволените 35 дена.

Просечната измерена годишна вредност на ПМ10 честички, пак, била и до 173 микрограми на метар кубен, 4,5 пати од граничната вредност од 40 микрограми на метар кубен.

Но, податоците не се целосни, затоа што дел од мерните станици не ги мерат постојано сите параметри.

Пишува: Игор К.Илиевски

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...