Во сообраќајна несреќа во која учествувале патнички воз и трактор загина 73 годишен жител од село Камењане, кој го управувал тракторот. Сообраќајката се случила вчера околу 18 часот на железничката пруга Тетово – Гостивар, на див премин во близина на клучката за Камењане.
Од силниот удар возачот на тракторот добил тешки телесни повреди, од кои починал на самото место.
Извршен е увид од јавен обвинител, лекар по судска медицина и екипа од полициската станица Тетово.
По наредба на јавниот обвинител, безживотното тело на 73-годишниот жител на Камењане му е предадено на семејството за погребување. Се работи на утврдување на причината за несреќата.
