Научниците кои во вселената пратија мал дел од ДНК, поставен на надворешноста на куќиштето на ракета, открија дека таа може да преживее температура повисока од неколку илјади Целзиусови степени, соопшти швајцарскиот Универзитет во Цирих на својата интернет-страница.
Истражувањето на швајцарските научници покажа дека ДНК може да преживее повторно влегување во атмосферата, што ја отвора можноста за доаѓање на вонземски молекули од вселената на Земјата.
Откритието потполно ги изненади научниците. Без разлика на големите температури, кои достигнуваат и над 1.000 стеоени Целзиусови во текот на летот во суборбиталниот простор околу Земјата и назад, поголем дел од ДНК останала недопрена.
– Бевме потполно изненадени кога откривме дека примерокот на ДНК остана недопрен и функционално активен, изјави др. Кора Тиел, една од научниците на Универзитетот во Цирих.
