Шпански воен авион „ф-18“ се урнал при полетување од воздухопловната база во околината на Мадрид, а пилотот загинал на самото место, соопшти шпанското министерство за одбрана.
„Во инцидентот за време на маневар при полетување, смртно настрада пилотот на авионот“, напиша министерството на „Твитер“.
Телевизиите објавија снимка од огромен облак од чад како се издига над воздушната база Торејон де Ардоз, дваесетина километри од шпанската престолнина. Несреќата се случила околу 11 часот по локално време.
#Update Air Force jet F-18 goes down in #Torrejón #Madrid #Spain pic.twitter.com/5ZdoIGTqjN
— Ali Alemdar (@aali_alemdar) October 17, 2017
Ова е втора поголема несреќа со воен авион во Шпанија за само една недела.
Минатиот четврток кај воздухопловната база Лос Ланос, 330 километри источно од Мадрид, се урна воен авион кој учествуваше во воена парада по повод шпанскиот национален празник. При авионската несреќа загина и пилотот.
