fbpx

Во ВМРО-ДПМНЕ стасале осум пријави од кандидати за претседател на државата

-

Во седиштето на најголемата опозициска партија ВМРО-ДПМНЕ до вчера се поднесени осум пријави на партискиот конкурс за избор на кандидат за претседател на државата кој ќе ја добие поддршката од ВМРО-ДПМНЕ, соопшти на прес-конференција партискиот потпретседател Владо Мисајловски.

Тој не ја исклучи можноста бројот на пријави да расте, бидејќи досегашните биле поднесени во архивата на партијата заклучно со крајниот рок, но можно е да стасаат нови кандидатури по пошта. ВМРО-ДПМНЕ распиша конкурс за претседателски кандидат, на кој можеа да конкурираат сите граѓани, а не само партиски членови.

Изборот на кандидатот што ќе ја добие поддршката од партијата во претседателската трка ќе се направи на  16 февруари на конвенцијата на ВМРО-ДПМНЕ во Струга. Во вторник ќе се знае кој од пријавените кандидати ги исполниле законските услови, и потоа изборот на најдобриот ќе се прави од овој список. Мисајловски не појасни колку од кандидатите се жени.

– До архивата на партија пристигнати се 8 кандидатури, но конечниот број на апликанти ќе биде познат деновиве со оглед на фактот дека дел од апликациите би можеле да стигнат и по пошта. Сите кандидатури  дополнително ќе бидат разгледани од страна на Комисијата за проверка на законски предвидените услови за кандидат , по што, најдоцна до вторник ќе бидат соопштени и имињата на кандидатите кои ги исполнуваат законските услови за кандидат  – рече Мисајловски.

Сите оние исполнуваат услови, ќе добијат време и простор да ја презентираат својата програма пред општинските комитети и членовите на ВМРО-ДПМНЕ во период од 6 до 16 февруари.

Мисајловски уште еднаш ја повика власта да распише предвремени парламентарни избори заедно со претседателските избори.

– Хаосот кој го предизвикаа во државата не смее да продолжи. Власта која нема направено ништо за државата, а потроши две години од животот на граѓаните треба да си замине  – рече тој.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...