Турското јавно обвинителство во рамки на истрагата против следбениците на имамот Фетулах Ѓулен, издало наредба да се приведат 87 лица, јавуваат турските медиуми.
Телевизија „Си-ен-ен Турк“ јавува дека полицијата извршила истовремени акции во 12 округа во Турција, кои се насочени против повеќе универзитетски професори, како и против лидер на една мала политичка партија.
Турските власти го обвинија Ѓулен, кој е во егзил во САД, дека стои зад неуспешниот обид за државен удар извршен на 15 јули годинава. Ѓулен ги отфрла ваквите обвиненија.