Во Црна Гора денеска се одржуваат редовни парламентарни избори, четврти од стекнувањето на независноста на земјата.
На изборите учествуваат 17 листи, од кои треба да биде избран 81 пратеник. Процените се дека ова ќе бидат едни од најнеизвесните избори.
Борба за продолжување на евроатланскиот пат или приближување кон Русија? Надворешната политика е во фокусот на изборните кампањи, како на власта така и на опозицијата.
По две ипол децении на власт, денешните избори може да се видат како едни од поголемите испити на премиерот Мило Ѓукановиќ и неговата Демократска партија на социјалистите.
Право на глас имаат 530.840 избирачи, кои гласаат на 1.206 избирачки места, а изборниот праг е три отсто.
Изборите ги следат 2.607 набљудувачи, од кои 500 се странски.
Покрај парламентарните, во четири црногорски општини, Будва, Котор, Андријевица и Гусиње, денеска се одржуваат и локални избори.
