fbpx

Во соработка помеѓу МАСИТ и УСАИД, се обучуваат кадри за ИКТ-секторот

-

Вкупно 40 кандидати денеска почнуваат со обуката во рамки на проектот на Стопанската комора за информатички и комуникациски технологии – МАСИТ за „Преквалификација на кадри“, во соработка со УСАИД.

Од МАСИТ информираат дека по спроведеното истражување меѓу компаниите – членки на комората, констатиран е дефицит на кадри во ИКТ-секторот, од профилите за програмирање.

„Како резултат на ова почна проектот за „Преквалификација на кадри“, каде целта е млади луѓе до 35 години, без претходно ИТ-предзнаење да се преквалификуваат и да почнат кариера во ИКТ-светот. Во согласност со потребите на компаниите, се организираат обуки и за други програмери“, информираат од МАСИТ.

Обуката која денеска ја почнуваат 40-те кандидати, планирано е да трае до септември, а потоа ќе следи пракса во некоја од ИТ-компаниите членки на МАСИТ.

Крајната цел на проектот, по посета на програмата, е лицата да се вработат во ИКТ-компании на јуниорски програмерски позиции или други позиции поврзани со ИКТ-сферата. Програмата за преквалификација ќе трае околу пет месеци.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Доналд Туск: Во ризик сме од војна, Европа не е подготвена

Полскиот премиер Доналд Туск изјави оти смета дека постои огромен ризик од војна и оти никој во Европа нема да се чувствува безбедно доколку Русија победи во Украина, пренесува...