Во сообраќајка во Кина загинаа 36 лица


       
Пекинг, 11 август, 2017 - 10:16 (META) 

Најмалку 36 лица загинаа, а 13 се повредени откако автобус удри во ѕид од тунел на автопат во Кина, јавуваат државните медиуми.

Меѓу жртвите има и две деца, а сите повредени се пренесени во болница.

На фотографиите се гледа дека предниот дел на автобусот е целосно смачкан, бидејќи удрил во влез на тунелот на пат со четири ленти.

Несреќата се случила синоќа, нешто пред полноќ, во провинцијата Шенси. Автобусот, кој има место за 51 патник, патувал од главниот град на покраината Сечуан Ченгдуа во Луојнаг, во покраината Хенан.