Советот за безбедност на Обединетите Нации ќе гласа за тоа дали ќе биде продолжена меѓународната истрага за напад со хемиско оружје во Сирија, пишуваат светските медиуми.
Според аналитичарите, Русија би можела да стави вето, бидејќи е сојузник на Сирија и сака прва да го види извештајот за нападот со боен отров сарин на градот Кан Шејкун во Сирија, кој се случи во април годинава, пред да се донесе одлуката, пренесуваат агенциите.
На 4 април, во нападот со гас во Сирија загинаа 87 лица. По тој настан, шефот на француската дипломатија, Жан Марк Еро, претставувајќи го извештајот на француските разузнавачки служби, рече дека нема сомнеж дека е употребен сарин и дека зад тој напад стои сирискиот режим, имајќи го предвид начинот на производство на саринот.
