Утрово, околу 4.45 часот, од Здравствен дом Кавадарци во Полициска станица Кавадарци е пријавено дека кај нив е донесено починато бебе.
По наредба на надлежен јавен обвинител, како што соопштуваат од СВР Велес, полициски службеници работат на целосно расветлување на настанот.
Од Јавното обвинителство од Велес потврдија дека наложиле обдукција. Од кавадаречката служба за итна помош изјавија дека бебето не давало знаци на живот и дека лекар од службата само ја констатирал смртта.
Бебето било однесено до кавадаречката општа болница, од каде пријавиле во полиција.
