Во Јапонија се евакуирани 170.000 луѓе како резултат на силните дождови, поплави и лизгалишта по ударот на тајфунот Етау.
Според наводите на пожарникарската и на службата за кризни ситуации, 15 лица се повредени во налетот на невремето, меѓу кои две лица потешко, додека две лица се водат за исчезнати.
Неколку илјади луѓе сè уште се заробени во своите домови, откако реките ги поплавиле коритата.
Властите советувале да се евакуираат уште околу 800.000 луѓе на истокот на Јапонија.
Обилните врнежи што следуваа по налетот на тајфунот Етау го погодија Токио, но најмногу биле погодени областите Ибараки и Точиги, северно од престолнината. Силните врнежи не престануваат веќе втор ден, а стотина куќи се поплавени.
https://www.youtube.com/watch?v=Bte35Sw3eA0
