Истражувачите соопштија дека годишно во Европа, прерано умираат повеќе од 4.500 лица, затоа што автомобилите на дизел-горива емитуваат повеќе штетни гасови отколку што производителите тврдат, пишуваат светските медиуми.
Студијата е објавена две години откако „Фолксваген“ призна дека лажел на тестовите за емисија на штетни гасови со вградување нелегален софтвер во милиони свои возила на дизел-мотори.
Се проценува дека ситните честички од автомобилските гасови кои се опасни по човековото здравје предизвикуваат вкупно 425.000 прерани смртни случаи во ЕУ, Норвешка и во Швајцарија.
Научниците пресметале дека прекумерната емисија на дизел-горивата кон тоа придонесува со 4.560 случаи секоја година.
Ризикот е најголем каде што е голема концентрација на автомобили на дизел-горива како на северот на Италија, наведуваат истражувачите на Меѓународниот институт за примена на системски анализи од Австрија и од Норвешка.
