fbpx

ВМРО-ДПМНЕ: Зголемување на цената на водата е втор шок за граѓаните

-

Зголемување на цената на водата е втор шок по зголемувањето на акцизата за дизелот од 3,5 денари. Од јануари граѓаните плаќаат поскап дизел, наскоро ќе плаќаат и поскапа вода, изјави Благица Ласовска од ВМРО-ДПМНЕ.

– СДСМ наместо живот, донесе беда. Трошоците на живот пораснаа за 1,4 отсто, а цените на мало за 3,2 отсто, што тоа директно влијае на намалување на стандардот. Економијата стагнира, а во третиот квартал растот е само 0,2 отсто, без изглед за приближување до ветените 5 отсто раст. Според статистиката над 450 илјади Македонци се сиромашни. Најголем процент на сиромаштија е кај младите до 17 години и изнесува 30 отсто – вели Ласовска.

Таа додава дека нема ништо од ветената плата од 500 евра, ги нема 100.000 денари плата за лекарите специјалисти и ветените 600 километри нов автопат.

– Билансот за економијата од 8 месеци владеење на СДСМ е еднаков на катастрофа. Економијата тоне, граѓаните почнуваат да запаѓаат во сиромаштија, а на власта око не и трепнува – додава Ласовска.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...