fbpx

ВМРО-ДПМНЕ: Законот за јазици на СДСМ ќе предизвика долгорочна нестабилност

-

ВМРО-ДПМНЕ целосно се спротивставува на обидите да се игнорира и да се изигра волјата на мнозинството Македонци, но и волјата на припадниците на другите етнички заедници кои својот глас го дадоа за Коалицијата за подобра Македонија, се вели во соопштението на ВМРО-ДПМНЕ.

Во него се додава дека „реализацијата на платформата од Тирана и обидите преку наметнувањето на албанскиот јазик како официјален, претставува редефинирање на Македонија и оди спротивно на мултиетничкиот карактер на државата, ставајќи ги припадниците на другите етнички заедници во подредена позиција.“

– Извршниот комитет на ВМРО-ДПМНЕ, анализирајќи ја актуелната политичка состојба, заклучи дека неповратно е погазено правилото на коалицирање на победничките партии во македонскиот и албанскиот блок, без разлика дали ДУИ ќе одлучи да коалицира со СДСМ или само ќе даде поддршка за формирање малцинска влада на СДСМ без учество на ДУИ во идната извршна власт. Дел од членовите на предлог-законот за јазици на кој се согласил СДСМ, а беа обелоденети во медиумите, се целосно неприфатливи за ВМРО-ДПМНЕ и исклучително опасни и штетни по државните и националните интереси. Ваквите предлози и отстапки на СДСМ може да предизвикаат долгорочна штета и носат огромен потенцијал за да предизвикаат тензии и нестабилност на подолг период. Истовремено, голем дел од решенијата кои беа обелоденети со ништо нема да им помогнат за подобар живот на Албанците во Македонија – се додава во соопштението.

Од ВМРО-ДПМНЕ велат дека „одговорноста за ваквата ситуација е целосно на товар на СДСМ, кој не ја доби поддршката од граѓаните на предвремените парламентарни избори и се обидува на срамен начин, преку тргување со државните и национални интереси да обезбеди поддршка за формирање влада.“

– Извршниот комитет заклучи дека партијата и избраните пратеници ќе се спротивстават на донесувањето на ваков катастрофален закон и ќе преземат соодветни мерки за да ја заштитат волјата на мнозинството – велат од партијата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...