„Златко Марин и СДС манипулираат со граѓаните на Аеродром. СДС веќе шест месеци откако е на власт не направи ништо за заштита на животната средина во општина Аеродром, а најавуваното од Марин е само евтин популизам и голема лага“, се вели во реакцијата на ВМРО-ДПМНЕ на најавите на Општина Аеродром дека ќе го зголеми буџетот за животна средина за 20 пати.
„СДС и Марин ги манипулираат граѓаните. Средствата што Општина Аеродром под водство на Марин ги одвојува за заштита на животната средина не се ни одблизу колку што ВМРО-ДПМНЕ има одвоено во изминатиов период додека ја раководеше општината. Имено, ВМРО-ДПМНЕ во изминатиов период во општина Аеродром има преземено бројни мерки за заштита на животната средина, при што има направено повеќе од 10 паркови со околу 150.000 квадратни метри зелени површини и повеќе од 50.000 дрвни садници“, велат од партијата.
