fbpx

ВМРО-ДПМНЕ три дена молчи за тоа колку чини новиот партиски имот на Широк сокак

-

Разгранокот на владејачката партија ВМРО-ДПМНЕ во Битола три дена молчи во врска со прашањето колкав имот купи во градот и колку пари плати за него. Од ова лето партијата на власт во Битола е сместена во нови простории, сопственост на партијата.

Советниците од опозициската Либерaл-демократска партија од Битола денска на прес-конференција вторпат јавно го поставија прашањето до општинскиот комитет на ВМРО-ДПМНЕ транспарентно да одговори пред битолчани од каде ѝ се парите на партијата да купува имот.

– Дали имотот што го купивте во Битола е поголем од 300 квадратни метри, а голем број битолчани немаат каде да живеат, дали за овој имот плативте повеќе од 300.000 евра, а битолчани осиромашуваат. И, на крај, кои се спонзорите што ви дадоа пари за да го купите овој имот – рече Александар Касапов, претседател на општинската организација на ЛДП.

Опозиционерите сметаат дека партијата не е фирма, акционерско друштво или, пак, профитна организација, па да купува партиски имот. Кога ЛДП првпат го постави прашањето за вредноста на новите простории на општинскиот комитет на ВМРО-ДПМНЕ во Битола, оттаму одговорија дека имотот е стекнат по легален пат, но повторно не ја открија сумата колку чини.

– Опозицијата мисли дека ако стопати повтори една иста конструкција, на тој начин ќе ја претвори во вистина. Затоа ВМРО-ДПМНЕ стоти пат ќе им одговори дека целокупниот имот, вклучително и зградата на новото седиште на општинскиот комитет на ВМРО-ДПМНЕ Битола е стекнат по легален пат, во согласност со законските нормативи, по пат на членарина и донации во еден крајно транспарентен процес – рече Валентина Маркоска, портпарол на ОК ВМРО-ДПМНЕ Битола.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...