Аболираниот криминалец Зоран Заев и злосторничкото здружение во раководството на партијата го претворија СДСМ во промотор и заштитник на се што е незаконско и криминално, велат од ВМРО-ДПМНЕ преку соопштение.
„Партискиот портпарол Петре Шилегов иако обично е гласен, се уште молчи како успеал за две години да купи три нови станови. Тој се уште не одговори дали сам на себе си изнајмува станови и си наплаќа кирии од сопственото адвокатско друштво? Шилегов молчи и за прашањето дали сам на себе си наплаќа месечен надоместок за консултантски услуги од сопственото адвокатско друштво? И конечно дали сите овие малверзации препознатливи за криминалното раководство на СДСМ се начинот по кој милионерот Шилегов успеал да заработи 200.000 евра за две години? Се укажува на тоа дека Шилегов ја продолжува шемата на Радмила Шекеринска која е позната по тоа што сама на себе си издава станови за месечен надомест од цели 5.000 евра“, велат од партијата.
Според ВМРО-ДПМНЕ, единствената преокупација на челниците на СДСМ е смислување начини како да се изигруваат и прекршуваат законите. Од партијата додаваат дека граѓаните на 11 декември јасно го осудиле на пораз СДСМ и неговите криминални и деструктивни сценарија.
