Според информациите кои деновиве излегоа во медиумите и во јавноста, пензионерите годинава нема да го добијат планираното зголемување од пет проценти на пензиите, изјави на прес-конференција, Марија Којзеклиска од ВМРО-ДПМНЕ.
Таа додаде дека „септемвриската пензија ќе биде зголемена за само 180 денари, а не според планираната динамика на владата на ВМРО-ДПМНЕ.“
– Повеќе од 300.000 пензионери на сопствена кожа ќе ја почувствуваат неодговорната политика на неспособната влада на Зоран Заев. Владата на СДС го напушта концептот на линеарно зголемување на пензиите односно еднаков износ за сите пензионери. Со нивниот концепт побогатите пензионери ќе добијат повеќе, а посиромашните ќе добијат помалку. СДС планира наместо законските пет проценти, на пензионерите да им додели само симболичен еден процент, односно најниските ќе бидат зголемени за 180 денари, а за 500 денари ќе бидат зголемени само највисоките пензии – изјави Којзеклиска.
