ВМРО-ДПМНЕ денеска во 18 часот повторно ќе протестира пред Основен суд Скопје 1, а од 15 до 17 часот ќе ги блокира крстосниците кај ТЦ „Мавровка“, кај Рампа во Кисела Вода и крстосницата помеѓу улиците Васил Чакаларов и Ангел Динев во Влае.
„Република Македонија сега е единствена земја каде што се притвораат пратеници и невини граѓани во судски монтирани случаи. Секој граѓанин на Република Македонија кој ќе каже не и ќе се спротистави на оваа власт завршува во затвор“, порачува партијата.