fbpx

ВМРО-ДПМНЕ: Наводите на Бошњаковски се неточни, манипулира пред избори

-

Паѓаат во вода и последните очајни обиди на СДС со лаги и со манипулации да добие поен плус кај гласачите, се вели во реакцијата на ВМРО-ДПМНЕ на прес-конференцијата на портпаролот на Владата, Миле Бошњаковски.

Од партијата велат дека „сè што е направено е преземено во согласност со закон, за што е донесена и одлука на влада и има позитивно мислење од законодството на владата на РМ.“

„Наводите изнесени од Бошњаковски се целосно неточни и претставуваат крајно тенденциозен обид во очи на изборите да се манипулираат граѓаните. Тоа е очаен потег на очајни луѓе. Според логиката на СДС, на Роберт Поповски, Љупчо Бубо Каров, Марјан Забрчанец, Зоран Бојаровски, Бојан Мaричиќ, Петрит Сарачини и Дарко Лешоски можат да му бидат советници и истите да бидат плаќани илјадници евра од парите на граѓаните, а Груевски не смее да има тројца советници кои донесоа нови 10.000 работни места“, се вели во соопштението.

Од ВМРО-ДПМНЕ, исто така, додаваат дека „скапо платената плејада на демаскирани граѓански активисти на Заев од државниот буџет цедат илјадници евра, без притоа државата да има реална добивка од тоа“.

„Ни самиот Бошњаковски не верува во тоа што го зборува и по одразот на лицето му се познава дека сè што зборува го зборува под невиден притисок и диктат“, се додава во соопштението.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...