fbpx

ВМРО-ДПМНЕ го осуди инцидентот во Битола и бара да не се злоупотребува за политички цели

-

ВМРО-ДПМНЕ го осудува инцидентот во кој биле искршени стаклата на објектот на Музејот на албанската азбука во Битола. Од партијата велат дека станува збор за изолиран настан, кој мора да биде осуден од сите „за да се спречи евентуална негова злоупотреба за партиски и за политички цели“.

„ВМРО-ДПМНЕ смета дека негувањето на историјата и на културата на секој народ е суштествено право и особено значаен елемент на едно мултикултурно општество какво што е македонското“, стои во соопштението на партијата.

Од ВМРО-ДПМНЕ велат дека овој инцидент е „обид на одредени сценаристи да предизвикаат дефокусирање од актуелните политички случувања во државата“ и ги повикуваат надлежните органи побргу да го расветлат случајот и виновниците да бидат санкционирани.

„Апелираме медиумите да не го користат овој настан и да не потпаѓаат под манипулациите, кои некој се обидува да ги предизвика во јавноста, бидејќи токму тоа е целта на оваа структура, која и во минатото се обидувала на одредени инциденти да им придаде политичка конотација“, повикуваат од ВМРО-ДПМНЕ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Откажани денешните и утрешните летови меѓу Скопје и Виена поради протест на вработените во „Аустриан Ерлајнс“

Вработените во „Аустриан Ерлајнс“ денеска, четврток и утре, петок (28 и 29 март) штрајкуваат поради несогласувања околу платите, што резултираше со откажување на околу 400 летови, што, пак, ќе...