На социјалната мрежа „Фејсбук“ денеска беше креирана посебна страница за настан закажан за 11 декември, наречена „Парламентарни избори 2016 година“.
Официјалното мото на настанот е „Ова е твоја земја, ти одлучуваш“.
Како организатор и домаќин на настанот се јавува ВМРО-ДПМНЕ, односно официјалната ФБ-страница на владејачката партија.
На ФБ-страницата која е запишана како домаќин на настанот, објавени се настани и текстови за владејачката партија.
Сите објави на страницата се споделени од интернет-страницата на ВМРО-ДПМНЕ и може да се видат најави и реализации на проекти, изјави кои членовите на ВМРО-ДПМНЕ ги давале во медиумите, галерии со фотогафии од членовите на владејачката партија и деманти кон опозицијата.
ОД ВМРО-ДПМНЕ за „Мета“ велат дека нивниот центар за комуникации не го креирал настанот, но не ја исклучуваат можноста тоа да го направил некој од нивните членови.
