fbpx

ВМРО-ДПМНЕ: Доколку СДСМ смета дека „мерцедесот“ е непотребен, може да го продаде

-

„Состојбата во која се наоѓа блиндираниот „мерцедес“, најдобро покажува како СДС се грижи за државниот имот. Токму владиното мнозинство го води Министерството за внатрешни работи речиси цела година и нивна е одговорноста за состојбата во која се наоѓа возилото“, се вели во реакцијата на ВМРО-ДПМНЕ за тоа што министерот за внатрешни работи, Оливер Спасовски, го покажа „мерцедесот“ од 600.000 евра.

Од опозициската партија додаваат дека на властодршците е одговорноста дали во вакво возило би ги превезувале високите делегации кои би доаѓале во Македонија, а кои се обезбедуваат со прв, втор и трет степен безбедносни мерки.

„Доколку СДС смета дека „мерцедесот“ е непотребен, може да го продаде. Ваквите возила не губат вредност доколку се добро одржувани“, се додава во соопштението.

Од ВМРО-ДПМНЕ потсетуваат на проектите што ги направиле за потребите на полицијата, набавката на нови возила, реновирањето на полициски станици, набавката на нови форензички лаборатории.

Во соопштението од партијата има и листа на гости кои досега го користеле „мерцедесот“, а помеѓу нив се претседатели, премиери и министри од други држави.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(АНАЛИЗА) Наплата на даноци и трошоци за плати и комуналии во 2023: Струга, Тетово, Чаир и Скопје

„Договорни услуги“ во износ од стотици илјади евра, платите и придонесите доминантна трошковна ставка во буџетите на локалните власти. Во второто продолжение на „Анализа“ се претставуваат податоци за приходите...