fbpx

ВМРО-ДПМНЕ до ДУИ: Нема да дозволиме двојазичност и продолжен мандат на СЈО

-

Независно на исходот околу составувањето влада во следниот период, дали таа ќе се формира и кој ќе ја формира, ВМРО-ДПМНЕ нема да преговара и нема да дозволи промена на Уставот за воведување двојазичност на целата територија на државата и за продолжување на мандатот Специјалното јавно обвинителство (СЈО), стои во реакцијата на партијата по повод вчерашното соопштение на ДУИ.

„Причините досега се образложени повеќепати во јавноста, а се темелат на заложбата за унитарна држава, заштита на уставниот поредок, нашите политички заложби изнесени во предизборниот период, Охридскиот рамковен договор, како и на договорот од јуни-јули 2015 (Договорот од Пржино, н.з.) кој оваа коалиција доследно го почитуваше како што беше договорено и потпишано и нема намера да го менува“, стои во соопштението на ВМРО-ДПМНЕ.

Оттаму велат дека СЈО е политички инструмент во „рацете на еден центар на моќ и нивните домашни инструменти за уцена на секој политичар кој ќе се бори за националните интереси на македонскиот народ и за државните интереси на Македонија и на нејзините граѓани“.

„СЈО е копче кое ќе биде стиснато секогаш кога кој било ќе се осмели да не игра така како што некој однадвор му сервира и диктира. СЈО е алатка со која се деградира и се негира суверенитетот и независноста на македонската држава. СЈО не е независно и непристрасно и нема никаква врска ни со правото ни со правдата. СЈО е инструмент за продолжување на кризата и за држење на Македонија во заложништво и затоа ние никогаш нема да се согласиме Македонија да продолжи да се држи во заложништво и да постои инструмент за дисциплинирање на секој што се бори за заштита на националните и на државните интереси. Недозволувањето да се продолжи мандатот на СЈО не е страв, туку храброст и пркос“, стои во соопштението на ВМРО-ДПМНЕ.

Од партијата на Али Ахмети по вчерашната седница на централното претседателство на ДУИ, соопштија дека рамноправната употреба на службениот албански јазик, интеграцијата во НАТО и во Европската Унија, како и продолжување на мандатот на Специјалното јавно обвинителство за расветлување на сите сомнежи што произлегуваат скандалот со прислушувањето, „се целите кои како услови не можат да бидат предмет на преговарање“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин: Немаме намера да нападнеме земји членки на НАТО

Русија нема планови за напад на земјите членки на НАТО и нема да ги нападне Полска, балтичките земји или Чешка, но доколку Западот испорача ловци Ф-16 на Украина, тогаш...