Политичките партии веќе четврти ден се во изборна кампања за предвремените парламентарни избори закажани за 11 декември.
Коалицијата за подобра Македонија предводена од ВМРО-ДПМНЕ денеска митинзи ќе има во Скопје. Во 17.30 часот коалицијата ќе има митинг во општина Аеродром, а централниот митинг ќе биде во општина Карпош во 20 часот.
Предизборниот караван на СДСМ и на коалицијата денеска ќе биде во Гостивар во 17.30 часот, а централниот настан ќе биде во 19 часот во Тетово.
ДУИ денеска ќе има митинг во населба Ченто во 18 часот, а ДПА ќе биде во село Вртуок во 19.30 часот.
Коалицијата за промени и правда ќе има средби со граѓани во Прилеп, каде претседателот на Демократскиот сојуз, Павле Трајанов, и носителот на листата во четвртата изборна единица, Слободан Богоески, ќе ја презентираат изборната програма и ќе одржат прес-конференција во 14 часот. Во Кочани и во Берово носителот на листата на оваа коалиција во третата изборна единица, Весна Стоименовска, ќе ја презентира изборната програма и ќе одржи прес-конференција во 11 часот.
