fbpx

Владата во вторник ќе ја почне процедурата за именување нов јавен обвинител

-

Владата првата наредна седница, предвидена за следниот вторник ќе ја почне процедурата за именување на нов државен јавен обвинител, откако вчера Собранието го разреши Марко Зврлевски, кој досега ја извршуваше оваа функција.

Како што соопшти портпаролот на Владата, Миле Бошњаковски, на седницата во вторник на дневен ред ќе биде усвојување заклучок со кој Владата ќе му предложи на Собранието да распише оглас за пријавување кандидати за нов државен јавен обвинител.

Бошњаковски ја образложи процедурата за именување нов државен јавен обвинител, според која огласот трае 15 дена, по што процедурата повторно се враќа во Владата, која треба да избере еден кандидат од пријавените, кој потоа ќе му го предложи на Собранието кое треба да го избере со просто мнозинство од 61 глас.

Прашан, дали постапката за именување нов јавен обвинител е во спротивност со Изборниот законик, имајќи го предвид и мислењето на Државната комисија за спречување корупција, Бошњаковски рече дека на тоа прашање веќе одговорил претседателот на Собранието Талат Џафери, додавајќи дека таа е процедурата.

Советот на јавни обвинители најави дека следната недела ќе закаже седница на која ќе биде избран в.д. јавен обвинител до изборот на нов.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...