Владата ќе расправа за евроатлантската интеграција и за борбата против корупцијата


       
Скопје, 9 јануари, 2018 - 13:21 (META) 

Владата на Република Македонија денеска со почеток во 15 часот ќе ја одржи редовната, 48. седница, на која ќе се расправа и за напредокот на напорите за интеграција во ЕУ и во НАТО, но и за користење на европските фондови, како и за Рамковниот договор.

На предлог на министерството за правда, министрите ќе го разгледаат предлог – законот за изменување и дополнување на Законот за заштита на укажувачи по скратена постапка.

Ќе биде разгледана и информација за реализација на препораките на ГРЕКО (Група на држави против корупција) на Советот на Европа дадени со Извештајот за евалуација на Република Македонија.

Ќе се разгледува и информација за проверката за тоа дали се уште се исплаќаат пензии на починати лица.