fbpx

Владата ги усвои идните мерки од планот „3-6-9“

-

Владата на 38. седница го разгледа и го прифати фактографскиот преглед на статусот на имплементација на мерките предвидени во планот „3-6-9“ заклучно со 14 ноември 2017 година, соопшти владината прес-служба.

На седницата, исто така, била усвоена и информацијата за активностите што ќе бидат преземени во наредниот период што ги опфаќаат одредниците „6-9“ во планот.

„Фактографскиот преглед на статусот на имплементација на мерките предвидени во планот „3-6-9“ за првите три месеци покажува дека мерките во првите три месеци се исполнети во најголема мера, пред сè, како резултат на силната политичка волја и заложба на Владата и на надлежните институции. Дел од мерките чија реализација е почната или е во тек, останаа релевантни и за наредниот период“, стои во соопштението.

Во наративниот план за идниот период, како што соопштија од Владата, мерките од делот „6-9“ се дефинирани и ажурирани врз основа на препораките содржани во извештајот на групата високи експерти за системските прашања од владеење на правото и консултациите со сите засегнати страни.

„Предвидените мерки е планирано да се реализираат до декември 2017 година, односно до март 2018 година или пред објавувањето на следниот редовен извештај на Европската комисија за Македонија“, се наведува во соопштението.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...