!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Висок водостој на сите реки, дожд и ноќеска и утре


       
Скопје, 1 декември, 2017 - 19:41 (META) 

Висок е водостојот на сите реки во земјава, а релативно висок водостој имаат реките Вардар, Треска, Радика, Сатеска и Лепенец, покажуваат последните мерења на УХМР.

Според ЕЛЕМ, акумулациите имаат доволно простор да го примат водениот бран, што позитивно ќе влијае на намалувањето на водостојот на одредени места.

Вечерва се очекува да продолажат врнежите, кои ќе бидат почести на запад, додека во текот на ноќта ќе се прошират и во источните делови од земјата. Утре врнежите ќе бидат поинтензивни на крајниот запад и исток, каде на некои места ќе падне дожд до 25 литри на квадратен метар и понекаде ќе бидат проследени со грмежи. Преку денот врнежите ќе намалуваат.

Во ноќта кон недела и в недела претпладне ќе има врнежи кои ќе се поинтензивни на западот. Од понеделник ќе преовладува посвежо време со северен ветер, а на планините краткотрајно ќе има провејување на слаб снег.