!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

(ВИДЕО) Пукање на Универзитетот „Флорида“, убиен е напаѓачот


       
Талахаси, 20 ноември, 2014 - 12:29 (META) 

Три лица се ранети при пукање во кампус на Државниот универзитет „Флорида“ во Талахаси. Напаѓачот е убиен, откако сттрелал во полицијата, јавува „Си-Ен-Ен“.

Според информациите на американската телевизиска куќа, едно рането лице е во критична состојба.

– Двајца ранети во пукањето се пренесени во болница. Еден од нив е во критична состојба – соопшти претставникот на болницата во Талахаси, Стефани Дерзиповски.

Универзитетот веднаш по пукањето испрати итно предупредување до студентите, нагласувајќи дека станува збор за „опасна ситуација“ и оти треба да се скријат некаде.

Полицијата и  тимот вештаци го истражуваат инцидентот, но засега не откриваат детали.

Државниот универзитет „Флорида“ важи за еден од најдобрите истражувачки центри, а во него учат околу 40.000 студенти.

https://www.youtube.com/watch?v=P3Vqo-mSaeE