!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Вељаноски за вторник закажа координативна средба во Собранието


       
Скопје, 17 март, 2017 - 15:31 (META) 

Откако СДСМ достави инцијатива со 67 потписи за продолжување на конститутивната седница на Собранието, поранешниот претседател на законодавниот дом, Трајко Вељаноски, закажа координативна средба во вторник, во 12 часот.

„Денеска во Собранието на Република Македонија ми беше доставено барање од 67 пратеници за закажување на продолжение на конститутивната седница на деветтиот парламентарен состав, почната и прекината на 30 декември 2016 година. Од тие причини, а по извршените консултации со овластените претставници на политичките партии застапени во парламентот, закажав координативна средба за вторник, 21 март 2017 година, во 12 часот“, се вели во соопштението од кабинетот на Вељаноски.

Од кабинетот на досегашниот спикер велат дека на координативната средба треба да биде утврден предлогот за состав на Комисијата за прашања на изборите и на именувањата, кој ќе послужи како основа за закажување на продолжение на конститутивната седница на Собранието на Република Македонија.