!Пристапот кон Мета.мк е слободен, без регистрација, за да им овозможиме полесен пристап на корисниците до навремени и проверени вести.
Пренесувањето и преземањето на содржините од Мета.мк е бесплатно во промотивниот период, но со задолжително атрибуирање и линкување.

Ванхауте: Заканите по безбедноста ми се во втор план во споредба со интересите на граѓаните


       
Скопје, 20 јануари, 2016 - 16:21 (META) 

По изјавата на eвроамбасадорот Аиво Орав, дека тој, како и еврокомесарот Јоханес Хан и Питер Ванхауте добивале закани и дека поради тоа мора да се зголеми нивното обезбедување, белгискиот олеснувач вели дека заканите по неговата безбедност му се во втор план.

– За мене заканите по безбедноста се во втор план во споредба со интересите на граѓаните, потребата од имплементација на итните реформски приоритети, како и потребата од формален договор помеѓу партиите во врска со изборите и со денот на нивното одржување – вели Ванхауте.