fbpx

УСАИД останува посветена на демократизација на македонското општество

-

Американската организација за меѓународен развој (УСАИД), има повеќегодишна стратешка програма по која работи и ова е втора година од таа програма, изјави денеска во Штип, директорот на канцеларијата за развој, Едвард Гонзалес.

Директорот Гонзалес изјави дека УСАИД Македонија има повеќегодишна програма која работи на зајакнување на демократските процеси во македонското општество.

– УСАИД во Македонија е насочена и фокусирана кон обезбедување помош за граѓанските организации во Македонија, нивно вклучување во демократските процеси и идентификување на проблеми од нивен интерес и воедно наоѓање решенија за нив – изјави Гонзалес.

Во оваа насока, Американската организација за меѓународен развој, активно работи со повеќе страни, почнувајќи од граѓанското општество, со владата и приватниот сектор за заедничко идентификување и решавање на проблемите.

– За таа цел, во наредните месеци ќе развиеме нов проект во Македонија, кој ќе ги вклучи овие актери на национално и на локално ниво, токму во контекст на демократските процеси – рече Гонзалес.

Денеска во Штип, пред невладиниот сектор, институциите и заинтересираните граѓани беа презентирани четирите компоненти на проектот за граѓанско учество, спроведуван од „Ист вест менаџмент институт“, во партнерство со четири граѓански организации – Фондацијата за интернет и општество „Метаморфозис“, Асоцијацијата за демократски иницијативи (АДИ), Фондацијата „Отворено општество“ -Македонија (ФООМ) и Националниот младински совет на Македонија (НМСМ).

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...