This page was exported from Meta.mk [ http://meta.mk ]
Export date: Fri Jan 18 9:36:59 2019 / +0000 GMT

УЈП: До 15 јануари да се поднесе пријава за регистрација за ДДВ




Даночните обврзници кои во претходната календарска година оствариле вкупен оданочлив промет од вршење стопанска дејност повисок од милион денари, имаат обврска да поднесат Пријава за регистрација за целите на данокот на додадена вредност (образец ДДВ 01) најдоцна до 15 јануари, соопшти денеска Управата за јавни приходи (УЈП).

УЈП потсетува дека даночни обврзници за ДДВ можат да бидат сите правни и физички лица, како и здружувањата на лица кои вршат оданочив промет од извршување на стопанска дејност.


Од таму посочуваат дека, за подобро информирање на физичките лица по однос на правата и обврските кои произлегуваат од Законот за данок на додадена вредност, граѓаните може да го користат Водичот, кој беше промовиран вчера.

„Во него има информации и упатства за предметот на оданочување со данок на додадена вредност, пресметувањето на вкупниот промет за цели на регистрација за ДДВ, начинот на регистрација за цели на ДДВ, како и појаснувања за останатите права и обврски на даночниот обврзник – физичко лице. Доколку според Законот за данок на додадена вредност и дополнителните појаснувања и упатства дадени во „Водичот за подобро информирање на физичките лица за данок на додадена вредност“ сте оствариле промет оданочив за целите на ДДВ во износ кој надминува 1.000.000 денари, потребно е да поднесете Пријава за регистрација за целите на данокот на додадена вредност“, се вели во соопштението на УЈП.

Post date: 2019-01-10 14:03:32
Post date GMT: 2019-01-10 13:03:32
Post modified date: 2019-01-10 14:03:32
Post modified date GMT: 2019-01-10 13:03:32
Powered by [ Universal Post Manager ] plugin. HTML saving format developed by gVectors Team www.gVectors.com