fbpx

Угостителите бараат намалување на ДДВ на храната од 18 на 5 проценти

-

Намалување на ДДВ на храната од 18 на 5 проценти ќе побара Здружението на угостителство и туризам при Стопанската комора од Министерството за економија.

Во моментов, ДДВ што го плаќаат угостителите на храната што се служи во рестораните како влезна суровина, се оданочува со 5 проценти, а на крајот вкупната услуга, во која влегува и материјалниот трошок, се оданочува со 18 проценти.

– Барањата на хотелиерите и на угостителите се во насока на растоварување на дел од трошоците, за девизниот прилив кој е поизразен со порастот на странските гости, да може да се искористи за реинвестирање во објектите за нивно приспособување на потребите на гостите, како и за следење на трендовите во регионот и во светот каде хотелско-угостителските објекти нудат разни видови нови услуги во согласност со потребите на гостите – изјави Даниела Михајловска-Василевска од Стопанската комора.

Хотелиерите и угостителите сметаат дека вака ослободен износ кој би останал во хотелските и во угостителските објекти, дефинитивно може да се искористи за нови инвестиции во дејноста, како и за решавање и за надминување на неколкуте крупни проблеми со кои се среќаваат компаниите од дејноста.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Атлантик: Со среќа во борбата против дезинформации

Угледниот американски магазин Атлантик објави опширен напис, во авторство на Квинта Џуресик, со наслов „Со среќа во борбата против дезинформациите“. Сторијата се однесува на Ник Сојер, доктор во Калифорнија....