Крвав инцидент со трагичен крај изби ноќеска во атинскиот затвор Коридалос. Двајца затвореници починаа, двајца се сериозно повредени и 16 се полесно повредени во тепачката што се создала меѓу голема група затвореници во затворот.
Жртвите се двајца затвореници од Пакистан, на возраст од 35 и од 30 години.
Инцидентот се случил кога група арапски и албански затвореници нападнале група затвореници од Пакистан во крилото за странски затвореници. Крвавиот напад се одвивал со импровизирани ножеви. Тепачката завршила трагично за двајца од затворениците, додека останатите се пренеси во неколку атински болници за да закрепнат од стекнатите повреди.
Грчката полиција врши детален претрес на ќелиите низ затворот за да се обиде да провери дали постојат и други импровизирани ножеви и друг вид оружје што би можеле да доведат до слични немили инциденти.
