Браќа близнаци се уапсени во нивниот стан во њујоршкиот квартот Бронкс со повеќе од десет килограми материјал за составување бомба во текот на претрес од страна на припадниците на Федералното биро за истраги и њујоршката полиција.
Дваесет и седумгодишните Кристијан и Тајлер Торо се уапсен со материјалот, од кој дел потекнува од производи за огномет за деца, изјави заменикот началник за разузнавачки и антиерористички операции, Џон Милер.
Полицијата, исто така, пронашла и дневник во кој се зборува за операцијата „Флеш“ и белешки, вклучително и онаа во којашто се истакнува дека браќата имаат намера да убиваат деца.
-Под полната Месечина, малечките ќе почувствуваат терор – изјави Милер цитирајќи ја белешката.
Истрагата започна по наводна закана со бомба од 4-ти декември во училиште во Харлем, додаде Милер.
