Српската полиција го уапсила директорот на косовската полиција за областа Митровица, Нехат Тачи, а причините за апсењето засега не се познати.
Портпаролот на косовската полиција, Даут Хоџа, изјави дека Тачи бил уапсен синоќа, нешто по полноќ, на преминот Бела земја кај Бујановац.
Според неговите зборови, Тачи преку територијата на Србија патувал кон една западноевропска земја со автомобил. Тој не кажа која е причината за апсењето.
Според информациите што ги објави приштинска „Газета експрес“, Тачи бил уапсен на патот за Ниш, каде што денеска требало да се појави во Основниот суд за да присуствува на судски процес.
