!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Туск: Политиката на Меркел кон мигрантите не е виновна за нападот во Берлин


       
Брисел, 21 декември, 2016 - 14:07 (META) 

Претседателот на Европскиот совет, Доналд Туск, ги отфрли критиките на некои европски лидери дека за нападот во Берлин е виновна германската канцеларка Ангела Меркел и нејзината политика на гостопримство на бегалците.

„Од почетокот на мигрантската криза зборувавме дека е клучно да ја вратиме контролата на надворешните граници. Тоа е тешко, но сакам да нагласам дека Германците не се одговорни за надворшените граници на ЕУ, туку целата унија, а вистинскиот извор на кризата е тоа што се случува надвор од границите на ЕУ“, изјави Туск за полска приватна телевизија.

Тој, исто така, нагласи дека Германците им посакуваа добредојде само на тие што веќе ги поминале границите на ЕУ и поминувале низ другите земји-членки.