fbpx

„Туристички сојуз“ од Охрид задоволен од летната сезона

-

Летната туристичка сезона може да се оцени како една од  поуспешните во однос на бројот на странски туристи и бројот на ноќевања реализирани во охридско–струшкиот регион, сметаат во  Здружението од областа на туризмот и угостителството „Туристички сојуз“, со седиште во Охрид.

Отворањето нови хотели, како „Мираж“ во Струга, хотел „Филип“, хотел „Тино“  и „Аква лине“ во Охрид, е добар сигнал за инвестиции во хотелиерството, додека градењето базени и бањски центри, како дополнителна содржина во хотелите, е добар правец за развој.

„Политиката на субвенционирање на странските тур-оператори кои носат странски туристи во Македонија се покажа како исправна мерка и треба да продолжи во иднина уште најмалку  три години. Политиката на државата во субвенционирање евтини авиолетови од и до Македонија е успешна мерка која, исто така, треба да продолжи со отворње на нови дестинации, особено кон Полска и кон Русија од каде имаме константно зголемување на бројот на туристи“, сметаат оттаму.

„Туристички сојуз“ ја поздравува одлуката за отворањето на линијата Охрид–Лондон и таа треба да продолжи во наредните години, а општините Струга и Охрид  заедно да ја субвенционираат со поддршка на Владата и да настапат со осмислена и агресивна промоција на саемот  во Велика Британија како можност да се донесат голем број туристи.

„Сезоната ќе беше уште поуспешна доколку не се случеше инцидентот во Куманово, кој беше пренесуван во медиумите во соседството како да е војна во Македонија. Голем број странски групи во тој период ги откажаа своите аранжмани. Државните институции за овој случај не реагираа правовремено, особено преку нашите амбасади во соседните земји. Автопатското поврзување на охридско-струшкиот регион со Скопје, како и осовременувањето на патот од Битола со обиколница кај Ресен, се зафати значајни од аспект на туризмот и треба што поскоро да се реализираат“, посочуваат од „Туристички сојуз“.

„Туристички сојуз“ ќе инцира акции со намалување на цени на туристичките аранжмани за охридско-струшкиот регион во периодите ноември–март за привлекување туристи, а особено на домашните.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Атлантик: Со среќа во борбата против дезинформации

Угледниот американски магазин Атлантик објави опширен напис, во авторство на Квинта Џуресик, со наслов „Со среќа во борбата против дезинформациите“. Сторијата се однесува на Ник Сојер, доктор во Калифорнија....