Новоизбраната грчка влада се спротиставува на понатамошни санкции против Русија и не го прифаќа соопштението на лидерите на ЕУ, во кое се осудува убиството на цивили во Мариупол (Украина) на 24 јануари и се оценува дека Москва има „одговорност“ за акциите на сепаратистите во Украина.
Во текот на денешниот ден, високи партиски извори во СИРИЗА ги информираа новинарите, изразувајќи го своето „незадоволство“ за преговорите на ЕУ-лидерите на оваа тема во отсуство на новиот играч, Алексис Ципрас.
Вечерва, европскиот медиум „ЕУ Обсервер“ објави дека до нив пристигнало официјално соопштение во кое се вели дека „гореспоменатото соопштение беше објавено без почитување на процедурата на одобрување од сите земји-членки и особено без да се осигури одобрување од Грција. Во овој контекст, се истакнува дека Грција не се согласува со овој став“.
Т.М.
