Грчкиот премиер, Алексис Ципрас, вечерва на својот „Твитер“ профил му честиташе на неговиот македонски колега, Зоран Заев, за гласањето со двотретинско мнозинство во Собранието за потреба од уставни измени кои произлегуваат од Договорот од Преспа.
„Честитки пријателе Зоран Заев! Вечерашното гласање е важен чекор кон нашиот заднички успех. Важен чекор кон мирна и просперитетна иднина за нашите граѓани“, напиша Ципрас.
Congratulations my friend @Zoran_Zaev ! Tonight’s vote is a big step towards our common success. A very important step to a peaceful and prosperous future for our people!
— Prime Minister GR (@PrimeministerGR) October 19, 2018
Честитка пристигна и од претседателот на Европскиот совет, Доналд Туск.
„Еден глас, еден голем чекор поблиску до заземање на местото кое ви припаѓа во нашата трансатлантска заедница“, Туск порача на својот профил на Твитер со порака напишана на македонски јазик.
Еден глас еден голем чекор поблиску до заземање на местото кое ви припаѓа во нашата трансатлантска заедница.
— Donald Tusk (@eucopresident) October 19, 2018